ONS NUWE HOOF
Ons is opgewonde om aan te kondig dat Me. Susan Theron amptelik ons nuwe hoof is!
Nog meer spesiaal – sy is die eerste vroulike hoof in Oos-Moot se geskiedenis. Baie geluk, Me. Theron! Ons Oosies verwelkom u met ope arms en sien uit na ‘n blink toekoms saam met u aan die stuur. Me. Theron is ‘n trotse Moot-inwoner en ‘n oud-Oosie-ouer, wat beteken sy ken en verstaan ons gemeenskap. Sy is regtig opgewonde om deel te wees van ons skool se volgende hoofstuk. Met die ondersteuning van ons personeel, beheerliggaam, leerders, ouers en die hele Moot-gemeenskap, glo ons dat Oos-Moot net sterker gaan word.
Me. Theron, sterkte met die groot taak wat voorlê. Ons sien uit na ‘n fantastiese tyd saam met u as ons leier!
BOODSKAP VAN ONS NUWE HOOF
Ek is opgewonde om vanaf 1 Maart 2025 amptelik as hoof van die skool aangestel te wees. Dit is vir my ’n groot eer en voorreg, en ek wil opreg dankie sê vir die vertroue wat in my gestel is. Ek is vasberade om my bes te doen en om die hoë standaarde van uitnemendheid wat ons skool nastreef, te handhaaf.
Dit is wonderlik om deel te wees van ’n span wat nie net na uitnemendheid streef nie, maar dit ook daagliks uitleef. Die geleenthede wat ons skool bied, is werklik inspirerend, en ek sien uit na alles wat ons as span gaan bereik.
