Me Lee Bouwer
Organiseerder
l.bouwer@oos-moot.co.za
Ons as skool is bevoorreg om ons talentvolle leerders die geleentheid te bied om hul talente in drama, sang en dans in musiekblyspele te laat uitleef. Musiekblyspele wat die afgelope jare by die skool op die planke gebring is, was Peter Pan, Oklahoma, Beauty and the Beast, Fame en Sound of Music.
2023 was dit Joseph and the Amazing Technicolor Dreamcoat se beurt om ons kultuurharte vinniger te laat klop.
Die storie van Jakob se geliefde seun Josef, sy drome, sy jaloerse broers en sy kleurvolle kleed het lewe gekry op die verhoog in hierdie wêreldberoemde musiekblyspel uit die pen van Andrew Lloyd Webber en Tim Rice.
Die blyspel was na talle ure, dae en maande se harde oefening en opoffering ‘n produksie uit die BOONSTE RAKKE waar elkeen van die deelnemende Oosies hul talente kon uitleef en ten toon stel. Geluk aan me L Bouwer en haar span.