SKAAK

Mnr A Stolp
Organiseerder
skaak@oos-moot.co.za

Oos-Moot het ʼn opwindende skaakprogram by die skool.  Die skaakspan het nie net mooi gegroei die afgelope paar jaar nie, maar behaal ook uitstekende prestasies.

Die afrigter is Christiaan Linde, ʼn trotse oud-Oosie wat sy passie vir skaak in Oosie-land wil oordra. So, of jy nou ‘n beginner is of ‘n skaakwizard, sit jou skaakhoed op kom speel saam.

2024

NWU-reeks:  Ons is baie trots op die skaakspan met hul besondere prestasie tydens die NWU Prestige-Reeks. Die kompetisie het bestaan uit twee groepe van 5 skole elk, naamlik Groep A en Groep B.  Daar was dus ‘n totaal van 10 skole in die NWU kompetisie.

Spanprestasie:  Die Oosie-skaakspan kom tweede in Groep A nadat hulle 28 punte uit ʼn moontlike 40 punte behaal het en eindig derde in die finale uitspeelrondtes teen Waterkloof (1ste), Menlopark (2de).

Individuele prestasies:  Steven Acker ontvang die Bordwennerprys vir die beste speler op Bord 8 en Bonicia Du Toit (Kaptein) ontvang die Bordwennerprys vir die beste speler op Bord 5.  Oos-Moot word nou as ‘n sterk skaakskool gereken.

Gauteng Inter-streekkampioenskappe:  Ses van ons skool se leerlinge het die volgende uitsonderlike prestasies tydens die Gauteng Inter-streekkampioenskappe in hulle spanne behaal:  Eerste plek (goue medaljes): Steven Acker (o.16), Eduan Wolfaardt (o.16), Tiaan Stolp (o.16), Albert Durand (o.18) en Brendo van Zyl (o.18).  Tweede plek (silwer medalje): Bonicia du Toit (o.18).  Die wenners is bepaal uit ses streke regoor Gauteng se spanne wat vyf rondtes skaak teen mekaar moes speel.

2023
Die skaakspan het aan die PUK-reeks, spanliga en individuele kompetisies deelgeneem waar verskeie prestasies behaal is.  Die o.18-span behaal ‘n tweede plek in die PUK-reeks en die o.15-span die vierde plek.   

Die o.17-span word aangewys as distrikswenners en eindig algeheel sewende in Gauteng.  Ses Oosies het hul Gauteng kleure verwerf.