NETBAL

Me C Louw
netbal@oos-moot.co.za

2024

Die liga vir ons onderskeie netbalspanne is verby. Dit was ‘n harde seisoen waarin ons spanne in die A-liga teen die beste skole in Pretoria moes deelneem. Ons skool is baie trots op die o.14A-span wat in die Tshwane uitspele op 1 Junie deelgeneem het.  Die afgelope seisoen was ‘n goeie ondervinding en het waardevolle ervaring verskaf waarop hulle in 2025 kan voortbou. Die o.15A-span het die liga onoorwonne afgesluit en tree as Gautengwenners (o.15) uit by die Kay Motsepe-toernooi.  Hul dring deur na die Suid-Afrikaanse kampioenskappe vanaf 15 tot 17 Augustus te Konka in Rustenburg.

2023

Ons het ‘n opwindende en suksesvolle 2023 seisoen agter die rug.  Die spelers het met groot ywer en passie in die hoogste liga, die A-liga, deelgeneem en hulself teen sterk opponente gemeet.  Ons het ‘n indrukwekkende totaal van vyftien spanne wat in die ouderdomsgroepe van o.14 tot o.19 deelneem, wat getuig van ons diepgewortelde toewyding aan die ontwikkeling van netbaltalent op alle vlakke.

Hoogtepunte vir die seisoen was die prestasie van ons o.14A-span, wat deurgedring het na die Suid-Afrikaanse skolekampioenskappe.  Hulle het ‘n indrukwekkende negende plek in die Suid-Afrika behaal, wat ‘n fantastiese prestasie is en bewys lewer van die talent en harde werk van hierdie jong spelers.  Een van ons spelers, Abby van der Walt (gr.9) is opgeneem in die o.15 Gautengspan.  Ons is ongelooflik trots op ons spelers:  Elize Adams, Lana Love, Telana Breytenbach, Jaimé Marshall, Katelynne Jeffrey, Megan Ferreira, Mia Steenkamp, Goitse Mokgwe en Miané van Dyk.  Afrigter: Me Shante Ludick en spanbestuurder me Corlia Ludick.