Me Nini Pitzer
Krediteure
krediteure@oos-moot.co.za
Me Annalize Jacobs
Finansies
finansies@oos-moot.co.za
SKOOLFONDS 2025
R36 960.00 per jaar, per leerder
12 x R3 080.00 (Jan tot Des) per maand, per leerder
BANKBESONDERHEDE (oorskakeling van ABSA na FNB bankrekening – November 2024)
First National Bank (FNB)
Hoërskool Oos-Moot
Rekeningnommer: 63124628041
Takkode: 210835
Depositoverwysing: (skoolfonds bv. 3281 of ander betalings bv. Gert Groenewald Hansieweek)
Die nuwe FNB-bankrekening is reeds geopen, en ons versoek dat u asseblief NOU reeds alle betalings na die nuwe rekening maak. Vanaf Januarie 2025 sal slegs die FNB rekening gebruik kan word vir alle skoolbetalings.
DEBIETORDERSTELSEL
Vanaf Januarie 2024 sal die skool ‘n doeltreffende debietorderstelsel implementeer vir ouers wat hul skoolfonds deur middel van hierdie stelsel wil betaal.
Ouers wat belangstel kan Me. A Jacobs by finansies@oos-moot.co.za kontak. Hierdie stelsel sal beslis bydra tot ‘n vlotter en meer doeltreffende betalingservaring.
BETALINGS
Skoolfonds
Met die betaling van die skoolfonds MOET die familiekode (dis ‘n viersyfer nommer bv. 3281 en die leerder se van) as depositoverwysingsnommer gebruik word.
Bestaande families met ‘n nuwe graad 8-leerder vir 2025 kan hul huidige familiekode gebruik vir die betaling.
Nuwe graad 8’s (wat vir die eerste keer in 2025 by die skool inskakel) is reeds op die skool se stelsel gelaai – elke gesin het nou ‘n familiekode wat op die skool se D6 Connect app beskikbaar is. Volg die blou knopie, D6 Connect App registrasie om te registreer. Vir enige finansiële navrae kontak Me. A. Jacobs by finansies@oos-moot.co.za
Ander betalings (toere, boeke, uitstappies, ens.)
Met ander inbetalings vir byvoorbeeld toere, boeke, kampe, foto’s, ens., moet die leerling se naam en die aktiwiteit (bv. netbalkamp) as depositoverwysing gebruik word.
VRYSTELLINGS
(Suid-Afrikaanse Skolewet 84 van 1996 verwys)
Aansoeke moet verkieslik voor of op 28 Februarie van elke jaar ingehandig word om in aanmerking te kom vir die vrystelling/gedeeltelike vrystelling. ‘n Voorlopige verslag moet teen 31 Maart aan die Departement van Onderwys voorgelê word.
Oorspronklike dokumentasie moet ook voor hierdie datum by die skool se finansieskantoor ingehandig word. (Sien die blou knopies vir die aansoekvorms en ander dokumentasie wat afgelaai en voltooi kan word). Die vorm is ook in harde kopie by die skool beskikbaar.
Let wel: Die e-pos waarvan u die kennisgewing ten opsigte van die aanlyn vrystellings ontvang het, is die e-posadres wat vir registrasie gebruik moet word. Navrae kan gerig word aan finansies@oos-moot.co.za.
KONTANTLOSE SKOOLOMGEWING
Die skool is in 2024 in ʼn oorgangsproses na ʼn kontantlose omgewing. Dit beteken dat ons nie langer kontantbetalings aanvaar vir skoolgelde, hetsy vir skoolfooie, bykomende aktiwiteite of enige ander betalingsverpligtinge nie. Hierdie besluit is deeglik oorweeg en in ooreenstemming met ons skool se Finkom beleid. Ons verstaan dat hierdie verandering ‘n aanpassing vir sommige ouers is, maar glo dat dit ‘n stap in die regte rigting is vir die veiligheid en effektiwiteit van ons skoolomgewing.
Ons moedig ouers ook aan om vir hulle kinders ‘n bankkaart te kry om hulle te help met die oorskakeling. Dit is nie net ʼn noodsaaklike aanpassing nie, maar ook ‘n stap wat die veiligheid van u kinders kan verbeter. Met ‘n bankkaart kan hulle betalings op ‘n veilige en gerieflike manier doen, sonder om kontant te dra en die risiko te loop om dit te verloor.
Redes vir ‘n kontantlose skoolomgewing:
Veiligheid
Gemak
Administratiewe Effektiwiteit
Bydrae tot Groen Inisiatiewe