RUGBY

Mnr B le Roux
Organiseerder
rugby@oos-moot.co.za

Rugby is nie net ‘n sport by Hoërskool Oos-Moot nie – dit is ‘n trots, ‘n tradisie en ‘n manier van lewe. As een van die kernsportsoorte van ons skool, bied rugby vir ons spelers die geleentheid om hul talent te ontwikkel, karakter te bou en ware spanspeler-gees te ervaar.

Ons skool se rugbyprogramme fokus op meer as net wen – dit gaan oor dissipline, deursettingsvermoë en die waarde van harde werk. Van die o.14-spanne tot ons eerste span, speel elke speler met hart en toewyding.

Ons afrigtingspan bestaan uit ervare mentors wat nie net die spel ken nie, maar ook die waardes van sportmangees en respek inboesem. Deur toegewyde afrigtingsessies, fiksheidsprogramme en strategiese beplanning, word spelers fisiek en mentaal voorberei vir elke wedstryd.

Hoërskool Oos-Moot se rugbyspanne het deur die jare baie prestasies behaal en bly ‘n krag om mee rekening te hou. Ons neem deel aan gesogte ligas en toernooie en verseker dat ons spelers blootstelling kry aan topgehalte mededinging.

Ons ondersteuners, ouers en oud-leerders speel ‘n groot rol in die sukses van rugby by ons skool. Op wedstryddae vul geesdriftige toeskouers die pawiljoene en dra by tot die unieke Oos-Moot-spangees.  By Hoërskool Oos-Moot is rugby nie net ‘n spel nie – dit is ‘n familie, ‘n erfenis en ‘n geleentheid om as individu én span te groei.

In die 2024 het ons vir die eerste keer in die skool se geskiedenis in die Plaatafdeling van die Noordvaal-liga (die tweede hoogste liga) gespeel en goed presteer.  Twee van ons juniorspanne deurgedring na die Noordvaaltoernooi semi-finaal in die Plaatafdeling.  Die o.15A-span moes ongelukkig die knie buig in die semi-finaal waar die o.14A-span deurgedring het na die finaal teen Hoërskool Transvalia.  ‘n Opwindende finaal het vir ‘n begeesterde o.14A-span ongelukkig in ‘n verloor geëindig.  Ons glo die 2024 seisoen was die basis vir ‘n opwindende toekoms vir die twee spanne.  Oos-Moot eindig in die top 5 skole in die liga uit 9 skole.  Ons spelers het goed presteer vir die eerste jaar in ‘n uitdagende liga.